ჩაკვრის ინდიკატორები - Bite Alarm
(კლასიფიკაცია)
ჩაკვრის ინდიკატორები არსებობს მექანიკური, ნახევრად მექანიკური/ელექტრონული და ელექტრონული, მათი დანიშნულებაა აცნობოს მეთევზეს თუ რა ხდება ძუის ბოლოს არსებულ სატყუარასთან (თევზის ჩარტყმა).
მექანიკური ინდიკატორები:
ამ კატეგორიას განეკუთვნება ძირითადად "ზარები", თუმცა ამ თემაში მათ არ განვიხილავთ ისედაც ყველასათვის ნაცნობი აქსესუარია.
ნახევრად ელექტრონული ინდიკატორები:
ამ კატეგორიაში თავს იყრის ასევე მრავალი სახეობის ინდიკატორი, ისინი ძირითადად მაგრდება ან უშუალოდ ჯოხზე ან ჯოხის სადგარზე. მათი მუშაობის პრინციპი აგებულია 1 ან 2 კონტაქტიან მექანიკურ ჩამრთველზე, რომელიც აქტიურდება ძუის ფიზიკური დაჭიმვით.
ნახევრად ელექტრონული ინდიკატორების ერთადერთი პლიუსი გახლავთ ის, რომ ისინი არის საკმაოდ ბიუჯეტური მეთევზისთვის. მინუსები შედარებით მეტია, მთავარი მათ შორის არის მგძნობიარობის ნაკლებობა (პრაქტიკულად შეუძლებელია მათი გამოყენება თუ თევზი სატყუარის ჩადების დროს ნაკლებად აქტიურია, სატყუარას წამოიღებს ნაპირისკენ და ასევე ძლიერ ქარიან ამინდში)
ელექტრონული ინდიკატორები - (ე.წ. სიგნალიზატორები)
თანამედროვე "კარპ ფიშერები" აქტიურად იყენებენ სხვა და სხვა სახის სიგნალიზატორებს, რომლებიც დღესდღეობით ნამდვილად უნივერსალური საშუალებაა ჩარტყმის ინდიკაციისთვის, განსაკუთრების ღამით თევზაობისას.
მათი მუშაობის პრინციპი აგებულია მაგნიტურ მბრუნავ რგოლზე, რომელსაც ძუა ატრიალებს თევზის ჩარტყმის/უკუჩარტყმის მომენტში. სიგნალიზატორი მოთავსებულია კოჭასა და ჯოხის პირველ რგოლს შორის, ის მაგრდება ხრახნით სადგარზე (ბუზ ბარზე ან უბრალოდ 1 ფეხიან სადგარზე). ნახევრად ელექტრონული ინდიკატორებისგან განსხვავებით, მათ გააჩნია საკმაოდ მაღალი მგრძნობიარობა და ინდიკაციის ამოცნობა შესაძლებელია თევზის სატყუარასთან უბრალოდ თამაშის მომენტშიც!
სიგნალიზატორები გვხვდება მრავალი სახის და ბრენდის, მათი ფასი მერყეობს 15 ლარიდან - 300 ფუნტამდეც კი! (1 ცალი რათქმაუნდა). ხშირ შემთხვევაში ფასი პირდაპირ მიუთითებს ხარიხს, თუმცა არის საკმაოდ ბიუჯეტური ვარიანტებიც, რომლებიც მშვენივრად მუშაობენ.
ამ სტატიაში არ განვიხილავ დეტალებში კონკრეტულად რა და რა სახის ელექტრონული ინდიკატორები არსებობს (ძირითადი განსხვავება არის უშუალოდ მაგნიტურ რგოლებში ანუ ელექტრული მუშაობის პრინციპში, ამაზე ცალკე შეგვიძლია ვისაუბროთ), ისე კი სიგნალიზატორები გვხვდება ძირითადად შემდეგი მახასიათებლებით:
- სტატიკური და რადიო ფუნქციით (Wireless) - რადიოთი აღჭურვილი სიგნალიზატორები ძალიან მოსახერხებელია ღამით თევზაობის დროს, აქვს მინუსიც შედარებით მალე სვავს ბატარიებს.
- სიგნალიზატორები რომელთაც მგძნობიარობა ეცვლება ღილაკით, მაგნიტური რგოლის შეცვლით ან საერთოდ არ ეცვლება.
- სიგნალიზატორები რომელთაც ეცვლებათ ხმის დონე და ტონი - ტონის შეცვლა განსაკუთრებით საჭირო ფუნქციაა თუ თქვენს გვერდზე მყოფ მეთევზეს აქვს იგივე ტიპის სიგნალიზატორები.
- სიგნალიზატორები რომელთაც აქვთ ღამის ნათების (Night Light) ფუნქცია - მათ შორის ზოგს აქვს მექანიკური გადამრთველი ამისთვის, ზოგზე კი ავტომატურად აქტიურდება (შუქის სენსორი).
- სიგნალიზატორები რომელთაც აქვთ შუქდიოდიანი "სვინგერის" მიერთების საშუალება. - ასევე გამოიყენება ღამის თევზაობისას.
- სიგნალიზატორები რომელთაც აქვთ განსხვავებული ტონი ჩარტყმის და უკუჩარტყმის დროს.
- სიგნალიზატორები რომელთაც აქვთ სხვადასხვა ფერის ნათურები და რომელთაც აქვთ ერთნაირი ფერის.
- სიგნალიზატორები რომლებიც მუშაობენ ნებისმიერი ამინდის პირობებში (Waterproof).
სიგნალიზატორი ითვლება კარგად, თუ ყველაზე მაღალი მგრძნობიარობის დროს საჭიროა როგორც მინიმუმ 0.5სმ ძუის გადატარება რგოლზე ინდიკაციის მისაღებად. დანარჩენი უკვე გემოვნების და ბიუჯეტის საკითხია!
PS: სიგნალიზატორის შეძენისას ყურადყება მიაქციეთ, რომ ამ უკანასკნელს აუცილებლად ჰქონდეს რეზინის ამორტიზატორები იმ ადგილას სადაც ჯოხი იდება, წინააღმდეგ შემთხვევაში ძალიან მალე გაგიფუჭებთ ჯოხის საღებავის საფარს.
სტატია შედგენილია სხვადასხვა საერთაშორისო თუ ადგილობრივ გამოცდილებასა და მასალებზე დაყრდნობით.
სტატია წარმოადგენს "საქართველოს კარპფიშერთა კლუბის" საკუთრებას!
