თბილისის წყალსაცავი, „თბილისის ზღვა“, წყალსაცავი აღმოსავლეთ საქართველოში, ივრის ზეგანზე, ქ. თბილისის ჩრდილო–აღმოსავლეთით. შეიქმნა მლაშე ტბების – ავლაბრის, ილგუნიანისა და კუკიის ადგილას. ვრცელდება ჩრდილოეთ-დასავლეთიდან სამხრეთ-აღმოსავლეთისაკენ. ექსპლუატაციაშია 1953 წლიდან. ჩრდილოეთ-დასავლეთ ნაწილში განიერია, სამხრეთ-აღმოსავლეთისკენ - ვიწრო. სიგრძე – 8,75 კმ, უდიდესი სიგანე 1,85 კმ. ფართობი 11,6 კმ2. წყლის მოცულობა 308 მლნ. მ³. უდიდესი სიღრმე 45 მ. საშუალო სიღრმე 26,6 მ. წყალსაცავის დონე გაზაფხულზე მატულობს, ზაფხულსა და შემოდგომაზე, სარწყავად წყლის ინტენსიური გამოყენების გამო, კლებულობს 7-10 მ-ით.
წყლის ზედაპირული ფენის საშუალო ტემპერატურა ნაპირთან მერყეობს 3,7°C-იდან (იანვარი-თებერვალი) 21,6°C-მდე (აგვისტო), მაქსიმალური ტემპერატურა 26,2°C. წყალსაცავზე უმეტეს შემთხვევაში ჰომოთერმიაა დამყარებული. ზოგჯერ ზამთრობით, წყნარ ამინდში სუსტად გამოსახული შებრუნებული ტემპერატურული სტრაფიკაცია, ხოლო ზაფხულობით - კარგად გამოსახული პირდაპირი სტრატიფიკაცია.
ყინულსაფარი წყალსაცავზე არ ჩნდება, ცივ ზამთარში წარმოიქმნება ყინულნაპირისი და თოში. ხშირი ქარების გამო იცის ღელვა. წყლის მინერალიზაცია 300-500 მგ/ლ შეადგენს. თბილისის წყალსაცავი ოლიგოტროფული წყალსატევია. საზრდოობს მდინარე ივრის წყლით.
ერთ-ერთი ყველაზე არაპროგნოზირებადი წყალსაცავი, მუდმივი ქარის არსებობა საკმაოდ რთულ სათევზაო პირობებს ქმნის.
თბილისის ზღვა, პირველ რიგში მეთევზეთა დიდ ინტერესს იწვევს მასში მობინადრე თევზების სიდიდიდან გამომდინარე.
წყალსაცავი ივსება მდინარე იორით.
წყალსაცავზე პრაქტიკულად ყველა წერტილში შესაძლებელია მისვლა მსუბუქი მანქანით.
წყალსაცავზა თევზაობა არის უფასო.
მეთევზეთათვის პერსპექტიულ სათევზაო ადგილად შეიძლება მივიჩნიოდ პატარა და დიდი ზღვის შესართავი, თუმცა გამოცდილი მეთევზეთა თქნით თევზი, სხვადასხვა დროს იჭირება სხვადასხვა ადგილებში.
წყალსაცავის პლუსები: საკმაოდ მოზრდილი ეგზეპლიარების არსებობა, თბილისში მდებარეობა, უფასოა, იხტიოფაუნის მრავალფეროვნება.
წყალსაცავის მინუსები: თევზის მცირე რაოდენობა, ძლიერი ქარი, ხალხის დიდი რაოდენობა.
წყალსაცავის ბინადარნი: საზანი, ლოქო, კალმახი, შამაია, კარჩხანა, ნაფოტა,ღორჯო, წითელფარფლა.
რეკომენდირებული სატყუარები: ბუღლუჯი, კოპტონი, წითეელი ჭია,ლიფსიტა.
კოპტონითაც ) შედეგად ერთი ცალი კარჩხანა კოპტონზე ...
