მოგესალმებით მეგობრებო, დავბრუნდი შვებულებიდან და თან შაორზე გასვლის მასალაც გამოვიყოლე თან 6 აგვისტოს ავედი შაორზე, ამინდი 2 დღის დასტაბილურებული იყო, ჩემს იქ ყოფნაში ამინდი არც შეცვლილა. დავბანაკდი პლატინაზე, იქვე ახლო მახლო ვისაც ვკითხე ყველა უკმაყოფილო იყო. 60-70 მეტრზე დავიწყე დაკვება(სიმინდი+მელისა),3 ჯოხზე ყველა მონტაჯი მქონდა 1 თმიანი სადავით და უსაფრთხო კლიპსით, მე-4 ჯოხზე კი ჩოდის მონტაჯი. ძირითადი სატყუარა კონსერვირებული სიმინდი თმაზე, ჩოდზე კი სხვადასხვა სახის პოპ აპ ბოილები. ყველა თევზი დავიჭირე სიმინდზე, ბოილს არც კი გაკარებიან. საერთო ჯამში თევზის წონითმა რაოდენობამ 8 კგ შეადგინა, ყველაზე დიდი 2.7კგ იყო. კენკვა ძალიან ცუდი იყო და შესაბამისად ბუნებით რომ დავმტკბარიყავი ამისთვის საკმარისი დრო მქონდა, შეიძლება ითქვას 2 დღიანი თევზაობის შემდეგ თავს დაღლილად არ ვგრძნობდი, ოჯახმა არ გამაჩერა თორემ კიდევ დავრჩებოდი ))) სულ ეს იყო რაც მინდოდა რომ მეთქვა